मराठवाड्यातील जालना जिल्हयात ही आहेत अनेक सुप्रसिद्ध पर्यटन स्थळे ! कोण कोणती आहेत स्थळे ? वाचा सविस्तर

     

              नमस्कार मित्रांनो KJMEDIA च्या नवीन माहिती लेखांमध्ये आपले स्वागत आहे. मित्रांनो कृषीमंत्री  मा.अब्दुल सत्तार साहेब यांच्या  पुढाकारातून सिल्लोड येथे राज्यस्तरीय कृषि महोत्सवाचे आयोजन करण्यात आले आहे . १ ते ५ जानेवारी २०२३ दरम्यान हा महोत्सव होणार आहे . यात शेतकऱ्यांना आवश्यक असणारी माहिती आणि प्रगत तंत्रज्ञान सादर करण्यात येणार असल्याने, जिल्ह्यातील शेतकऱ्यांनी मोठ्या संख्येने या महोत्सवात भेट द्यावी असे आवाहन कृषी मंत्री अब्दुल सत्तार व कृषि विभागाने केले आहे .

● कृषी विद्यापीठांचे सादरीकरण

          स्वातंत्र्याच्या अमृतमहोत्सवानिमित्त आणि कृषी विद्यापीठांना ५० वर्षे पूर्ण झाली असून,या विद्यापीठांनी आतापर्यंत केलेली वाटचाल व त्यांची संशोधने हो शेतकऱ्यांपर्यंत पोहोचावित,यासाठी राज्यस्तरीय कृषी महोत्सव आयोजित केल्याची अशी माहिती देण्यात आली आहे . महात्मा फुले कृषी विद्यापीठ ( राहूरी ) , डॉ . पंजाबराव देशमुख कृषी विद्यापीठ ( अकोला ) , डॉ . बाळासाहेब सावंत कोकण कृषी विद्यापीठ , ( दापोली ) , वसंतराव नाईक मराठवाडा कृषी विद्यापीठ ( परभणी ) या चार विद्यापीठांनी केलेली संशोधने कृषी विभागाची प्रात्यक्षिके , परिसंवाद , तंत्रज्ञान , राज्यातील शेतकऱ्याच्या यशोगाथांचे सादरीकरण होणार आहे . महोत्सवातील प्रात्यक्षिकांमध्ये राज्यभरातील विविध प्रयोग ज्यामध्ये उत्पादनक्षम शेती , एकात्मिक पीक व्यवस्थापन , एकात्मिक कीटक व्यवस्थापन , एकात्मिक शेती व्यवस्थापन , सेंद्रिय आणि रासायनिक शेतीची प्रात्यक्षिके विद्यापीठांकडून सादर केली जाणार आहेत , अशी माहिती आयोजकांतर्फे देण्यात आली आहे.

● विविध चर्चासत्रांचे आयोजन

              आंतरराष्ट्रीय स्तरावर २०२३ हे वर्ष भरड धान्याचे वर्ष म्हणून साजरे होणार आहे . यामध्ये महाराष्ट्राची भूमिका महाराष्ट्राच्या कृषी विभागाचे कार्यक्रम यावरही चर्चासत्रांमध्ये विचारमंथन होणार आहे . कृषी विद्यापीठाच्या समन्वमाने आंबा , संत्रा , मोसंबी भेंडी , टोमॅटो , सोयाबीन , कापूस मका इत्यादी पिकांच्या लागवड तंत्रज्ञानापासून ते विपणनापर्यंत चर्चासत्रांचे आयोजन करण्यात आले आहे . पाच दिवसांमध्ये वेगवेगळी कृषीविषयक चर्चासत्रांचे आयोजन करण्यात आले आहे .

● पिकांबाबत मार्गदर्शन 

                              कापूस , सोयाबीन आणि इतर तेलबियांच्या व्हॅल्यू चेन डेव्हलपमेंट त्यासंबंधीचे संशोधन , नवीन वाणाचे संशोधन , बदलेले वातावरण पर्जन्य आणि उष्णता यांच्या बदलांचा वेध घेऊन करण्यात येत असलेले संशोधन याचेही सादरीकरण महोत्सवात होणार आहे . कृषी विभागाच्या एकात्मिक दालनामध्ये एकात्मिक पाणलोट व्यवस्थापन , पोकरा , स्मार्ट काढणी, पाश्चिमात्य तंत्रज्ञान , फळप्रक्रिया यांचे सादरीकरण केले जाणार आहे.  बाजारपेठाचे नवीन तंत्रज्ञान ,ड्रोन तंत्रज्ञान याची सुद्धा माहिती दिली जाणार आहे . तेव्हा जास्तीत जास्त संख्येने शेतकरी बांधवांनी या महोत्सवाचा लाभ घ्यावा असे आवाहन कृषी मंत्रालयातर्फे  करण्यात आले आहे.

 ● कृषी महोत्सवासाठी संपर्क 

महोत्सवाचे यशस्वी आयोजना करण्यासाठी संचालक विस्तार व प्रशिक्षण विकास पाटील ( ९४२२४३०२७८ ) यांची राज्यस्तरीय नियंत्रक अधिकारी , तसेच तुकाराम मोटे , कृषी सहसंचालक ( ९४२२७५१६०० ) यांची समन्वयक अधिकारी म्हणून नियुक्ती करण्यात आल्याची माहिती आयोजकांनी दिली .

वृत्तपत्रावरील माहिती बातमी वाचा